Имплант – бұл тіс түбірін ауыстыру. Ол көбінесе титаннан жасалады, өйткені бұл материал берік және инертті (ағзаға ешқандай әсер етпейді). Жеке төзбеушілік немесе аллергия болған кезде ғана пайдалануға болмайды, бірақ мұндай жағдайлар өте сирек кездеседі. Егер күмәндарыңыз болса, аллерголог дәрігеріне жазылып, аллергия сынамаларын тапсырып көріңіз!
Имплант по сути является винтом, вкрученным в кость специальной отверткой. То, что мы видим над десной и воспринимаем как зуб — коронка. Соединяет имплант и коронку специальный фундамент — абатмент.  – имплант шын мәнінде сүйекке арнайы бұрандамен бекітілген бұрам болып табылады. Қызыл иектен шығып тұрған және тіс болып көрінетін нәрсе – бұл сауыт. Имплант пен сауытты арнайы тірек абатмент байланыстырады.

имплантаттарды жақ сүйектерінің өсуі аяқталғаннан кейін, яғни 18-20 жасқа толғаннан кейін орнатуға болады. Өсудің аяқталуын дәл анықтау үшін арнайы рентген суреттерін жүргізу және салыстыру қажет. Бұл ретте пациенттің ең жоғары жас шегі бойынша имплантацияда шектеулер жоқ.

Пациент имплант, оның өндірушісі мен формасын таңдаумен айналыспау керек. Пациент дәрігерді таңдау керек. Әрбір дәрігер 1-3 имплант жүйесімен жұмыс істей алады, олардың барлық қыр-сырларын біледі, оқу курстарынан өткен. Имплант – тек қосалқы бөлшек, оны орнататын дәрігердің білімі мен іскерлігімен салыстырғанда, оның онша үлкен мәні жоқ.

Сондай-ақ импланттардың барлық түрін білудің қажеті жоқ, өйткені олардың түрлері өте көп  – жылтыратылған және тегіс мойындарымен, арнайы қақпақтарымен, жоғары кеуектілігімен және т.б. сізге лайықтысын дәрігер ғана таңдай алады. Досыңыздың, апаңыздың немесе әжеңіздің жағдайы сіздікінен мүлдем басқа болып, олардың  импланттары сізге жарамай қалуы мүмкін.

«Имплант» сияқты «имплантация» сөзі де орыс тілінде ойлап табылмағаны анық. Бұл сөз бізге батыстан келді. Бұл ретте неміс тілінде – «implantat», ағылшын тілінде – «implant» деп жазылады. Орынды мағынасы – «имплантант». Имплант және имплантат сөздерін де қолдануға болады. Бұл ретте «имплант» сөзі аздау қолданылады және сол себепті ерсі естіледі.

Тістерді имплантациялау – бұл, әдетте, жергілікті анестезиямен орындалатын және ауыртпайтын емшара. Имплантация кезінде емделушінің өзін-өзі сезінуі тістерді емдеу кезіндегі сезіммен салыстыруға болады, яғни дәрігердің белгілі бір манипуляцияларды жүргізіп жатқаны сезіледі, бірақ ауырсынбайды.

Кейбір пациенттерді жергілікті наркоздың әсері аяқталғаннан кейін ауырсыну сезімі пайда болуы мүмкін бе деген сұрақ мазалайды?

Тістерді имплантациялау – бұл толыққанды хирургиялық операция және мұнда көп нәрсе пациенттің жеке ерекшеліктеріне және оның жалпы ағзасының жай-күйіне байланысты. Көбінесе, имплантациядан кейін пациенттер жұмсақ тіндердің ісігіне және белгіленген имплант саласындағы жағымсыз сезімдерге тап болуы мүмкін. Кейбір жағдайларда тіс жойылғаннан кейін ауырсынуға ұқсас ауырсыну пайда болуы мүмкін.

Тістерді имплантациялау ең аз жанама құбылыстармен және ең аз ауырсыну әсерлерімен өтуі үшін дәрігердің барлық ұйғарымдарын мұқият сақтау қажет. Күтім және тамақтану бойынша ұсыныстардан басқа, кез келген дене жүктемесінен, спортпен шұғылданудан, ауыр жүктемелерді көтеруден, авиа ұшудан бас тарту қажет. Тік – отыратын – қалпында мүмкіндігінше көп уақыт өткізу, биік жастықтарда ұйықтау және имплант орнатылған жақта ұйықтаудан, сондай-ақ араласу аймағын алаңдатпау үшін кез келген механикалық әсерлерден аулақ болу қажет. Бұл шектеулерді емшара рәсімінен кейінгі бірінші апта ішінде сақтау қажет.

Ұсыныстардан басқа дәрігер міндетті түрде дәрі-дәрмектермен емделу жолын белгілейді: анестетикалық және зарарсыздандырғыш заттар, сондай-ақ ауру белгілерін жоятын және тіндердің тез қалпына келуіне ықпал ететін жергілікті қолдануға арналған жақпа майлар. Тіс дәрігерінің барлық ұсыныстарын мұқият орындау керек.

Имплантациядан кейінгі кезеңдегі жағдайыңызды мұқият бақылаңыз. Имплантты орнатқаннан кейінгі 3-7 күн ішінде қызыл иектің кішігірім ісінуі және алғашқы тәулік ішінде шамалы қанауы қалыпты жағдай болып табылады.

Егер сіз нормадан ауытқуды, мысалы, қызыл иектің ісінуі азаймай жатқанын немесе дене қызуы үш күн бойы сақталғанын байқасаңыз, міндетті түрде дәрігерге жолығуыңыз керек.

Тістерді имплантациялау тіс-жақ жүйесінің эстетикасы мен функционалдылығын қалпына келтірудің қауіпсіз және ең тиімді әдісі болып табылады. Сенімді әрі тексерілген мамандарға ғана жолығып, дәрігердің барлық ұсыныстарын мұқият сақтаңыз, сонда ол барынша жеңіл және ауырмай өтеді.

Бірде-бір тіс болмаған жағдайда, бір жақ сүйекке 6-8 имплант орнатуға болады. Имплантаттардың нақты санын ортопед, имплантолог және тіс технигі бірлесіп анықтайды. Бұл пациенттің қаржысын үнемдеуге және техникалық және медициналық тәуекелдерді азайтуға мүмкіндік береді.

Абсолюттік қарсы айғақтар (импланттарды орнатуға болмайды):
Онкология (емдеудің кез келген сатысы немесе кезеңі). Ремиссиядан кейін шамамен 5 жыл күту қажет.
Жұқпалы аурулар (АИТВ, ЖИТС).
Жалпы аурулар (қан, генетикалық аурулар, гормоналдық терапия, қант диабеті – остеоинтеграцияға және сауығуға әсер етуі мүмкін барлық жағдайлар).
Салыстырмалы қарсы көрсеткіштерге жасөспірім жасты, жүктілікті, темекі шегуді, нашар гигиенаны жатқызуға болады.

Әрине, егер тісті емдеуге болса, қаржылық тұрғыдан да солай істеген дұрыс. Сауыт жасау немесе бұзылған тіске пломба қою онша қиын емес, бірақ дәрігерге де, пациентке де бұл конструкцияның алдағы уақытта қанша қызмет ететіні маңызды. Егер тістің бірден бірнеше проблемасы болса (қозғалғыштығы да, қатты бұзылуы да, құрал-сайманның сынған бөлігі де), оны емдеу және протездеу имплантацияға қарағанда қымбат болуы мүмкін, оның үстіне қаржылық тұрғыдан да, уақыт шығыны тұрғысынан да (түбір өзегінің пломбасын алып тастау бірнеше сағатқа созылуы мүмкін, бұдан басқа тіс сауытын өлшеу және жасау үшін бірнеше рет дәрігерге келу керек. Бұл ретте бұл емдеуге кепілдік берілмейді, демек, егер екі жылдан кейін тісіңіз ауырып бастаса, оны бәрібір алып тастап, имплант қоюға тура келеді.
Сондықтан, шешім қабылдамай тұрып, дәрігермен барлық ықтимал тәуекелдерді талқылап, құнын есептеп, нақ осы тіс үшін не жақсы екені жөнінде шешім қабылдау керек – оны емдеу ме әлде алып тастау керек пе?

Тіс дәрігерлері құдай адамға екі рет тегін тіс береді, ал үшіншісі үшін ақша төлеуге тура келеді деп әзілдейді. Тістер өзіндігінен бұрынғы қалпына келе алмайды. Тіпті бір тістен айырылып қалу зиянсыз емес. Эстетикалық қолайсыздықтан басқа, адамның бет әлпеті өзгереді, шайнау қызметі, ас қорыту бұзылады. Осындай кезде тістердің имплантациясы көмектеседі – әдемі күлкіні тез әрі мәңгі қайтаруға болады.

Жүктілік және емізу – бұл әйелдерге тіс имплантациясына қатысты салыстырмалы қарсы көрсетілімдер. Сол себепті дәрігерлер процедураны кейінге қалдыруды ұсынады. Жүкті әйелдерге ерекше қарсы көрсетілімдерге, әсіресе баланың өмірлік маңызы бар мүшелері қалыптасып жатқан кезінде бірінші триместрде хирургиялық араласуға жол берілмеу керек. Имплантация жергілікті анестезияны қолдана отырып жүргізіледі, операциядан кейін ауырсыну және қабынуға қарсы препараттар тағайындалады, имплантация алдында рентгендік суреттер түсіріледі. Осының бәрі жүкті әйелдер үшін өте қажетсіз. Жүктілік кезінде иммунитет төмендейді, имплантациядан кейін әйелдің өз-өзіне қалпына келуі ұзаққа созылуы мүмкін. Емізу – имплантацияны кейінге қалдыруға тағы бір себеп, өйткені дәрі-дәрмектерді қолдануға болмайды, ал күйзелістен сүт келмей қалуы мүмкін.

Синус-лифтинг – бұл имплантаттың айналасындағы сүйектің жеткілікті мөлшерін жасау үшін жоғарғы жақтың бүйір бөліктерінде, гаймор қуысы деп аталатын аймақта имплантаттың айналасындағы сүйектің көлемін ұлғайтуға бағытталған манипуляция. Синус-лифтинг имплантациямен бір мезгілде не одан бірнеше ай бұрын жүргізіледі. Осы пластикалық процедура саласындағы клиниканың айтарлықтай тәжірибесі оның абсолюттік тиімділігі мен қауіпсіздігін дәлелдейді.

Тіс импланты дұрыс емес және кәсіби емес орнатылған,  ауыз қуысының гигиенасы сақталмағаны, конструкциясы дұрыс таңдалмаған жағдайда, ол қабылданбауы мүмкін. Оған тән белгілер: орнатылған импланттың жанында ауырсыну,  іріңнің пайда болуы және қанауы, қызыл иектің қызаруы мен ісінуі, тіс сауытымен бірге импланттың қозғалуы, сондай-ақ дене температурасының көтерілуі.

Имплант бірнеше жыл белсенді пайдаланғаннан кейін де қабылданбауы мүмкін. Негізгі себептердің бірі – түрлі жарақаттар, ағзаның иммундық жүйесінің бұзылуы.

Имплантациядан кейін 3 айдан 6 айға дейін күту керек. Бұл имплантат сүйекке сіңісіп кетуі үшін қажетті уақыт. Осыдан кейін 2 аптаға дейінгі мерзімге қызыл иек қалыптастырғышы орнатылады. Содан кейін тіс сауыттары жасалады және 2 аптадан кейін жаңа тісіңіз пайда болады.

Жалпы, спорт жаттығуларына тыйым салынбайды, бірақ операциядан кейін кем дегенде 2-3 апта күту керек. Рұқсат етілген спорт түрі мен оңтайлы жүктемелерді анықтау үшін тіс дәрігерімен алдын ала ақылдасу қажет.

Бір имплантты орнату әдетте шамамен 15-20 минутты құрайды. Әрине, имплант көп болған жағдайда оларды орнату уақыты да ұзарады.

Имплант пен ауыз қуысының тиісті және дұрыс гигиенасын сақтаған жағдайда, форс-мажорлық жағдайлар, зақымдар болмаған жағдайда, денсаулық қалпында болған жағдайда, ортопедиялық құрылымға қатты әсер етілмесе, олардың қолданылу мерзімі шектелмеген.

Ең алдымен имплантолог-хирург дәрігеріне қаралу керек. Ол сізді кт-зерттеуге, сондай-ақ қан талдауларына жібереді, содан кейін нәтижелер бойынша ықтимал нұсқаларды талқылайды, мерзімі мен құны туралы айтып береді. Дәрігерге барлық аурулар, сондай-ақ қабылданатын препараттар туралы егжей-тегжейлі айтып беру қажет. Бұл маңызды, өйткені олардың әрқайсысы остеоинтеграцияға және тістің тез жазылуына кері әсерін тигізуі мүмкін.